Menntatengd ferðaþjónusta
Við Háskóla Íslands er í boði námsleið á meistarastigi sem nefnist hagnýt menningarmiðlun. Nemendur í þessu námi, nánar tiltekið í námskeiði sem nefnist menntatengd ferðaþjónusta, munu dvelja á Ísafirði dagana 24. -26. febrúar. Námskeiðið er eingöngu kennt sem vettvangsnámskeið á Ísafirði og á Ströndum í samstarfi við Strandagaldur og Þjóðtrúarstofu. Námskeiðið er haldið á vegum Háskóla Íslands og Háskólaseturs Vestfjarða.
Menntatengd ferðaþjónusta er í sókn víða um heim og mun fara vaxandi á Íslandi á næstu árum. Á Vestfjörðum er unnið að ýmsum verkefnum á þessu sviði þar sem vísindi, menning og saga eru í forgrunni. Þannig er menntatengd ferðaþjónusta á Vestfjörðum nátengd menningartengdri ferðaþjónustu. Markviss miðlun er mikilvæg fyrir velgengni þessarar greinar og í vettvangsferð til Vestfjarða munu nemendur kynnast ýmsum sprotum menntatengdrar ferðaþjónustu og þeim vaxtarmöguleikum og takmörkunum sem í henni búa. Nemendur munu fjalla um miðlun þeirra verkefna sem eru í gangi en jafnframt koma með tillögur að nýjum verkefnum í menntatengdri ferðaþjónustu og setja fram hugmyndir um miðlun þeirra. Umsjónarkennari námskeiðsins er Eggert Þór Bernharðsson.
Hagnýt menningarmiðlun er 45 eininga M.A.-nám sem vistað er innan sagnfræði- og fornleifafræðiskorar Hugvísindadeildar. Í náminu er leitað eftir þverfaglegu samstarfi með það að markmiði að tengja saman íslenska sögu og menningu og opna nemendum nýjar leiðir í miðlun rannsókna sinna og þekkingar. Áhersla er lögð á að nemendur ljúki miðlunarverkefnum, tileinki sér fjölþætta framsetningu efnis og öðlist reynslu sem geri þeim fært að vinna sjálfstætt á sviði miðlunar.
Almenningi er boðið að taka þátt í hluta námskeiðsins, þ.e. fyrirlestrum og vettvangsferðum dagana 24. og 25. febrúar. Fyrirlesarar eru á meðal fremstu sérfræðinga á þessu sviði, Eggert Þór Bernharðsson sagnfræðingur, Þorleifur Þór Jónsson hagfræðingur hjá Samtökum ferðaþjónustunnar og Guðrún Þóra Gunnarsdóttir frá Háskólanum á Hólum. Einnig eru fyrirlesarar á námskeiðinu meðal helstu sérfræðinga og frömuða Vestfirðinga á þessu sviði en þau eru Jón Sigurpálsson, Jón Páll Hreinsson, Þorleifur Eiríksson, Dorothee Lubecki, Þórir Örn Guðmundsson, Sigríður Ólöf Kristjánsdóttir, Jón Jónsson, Magnús Hrafnsson og Sigurður Atlason.
Menntatengd ferðaþjónusta er í sókn víða um heim og mun fara vaxandi á Íslandi á næstu árum. Á Vestfjörðum er unnið að ýmsum verkefnum á þessu sviði þar sem vísindi, menning og saga eru í forgrunni. Þannig er menntatengd ferðaþjónusta á Vestfjörðum nátengd menningartengdri ferðaþjónustu. Markviss miðlun er mikilvæg fyrir velgengni þessarar greinar og í vettvangsferð til Vestfjarða munu nemendur kynnast ýmsum sprotum menntatengdrar ferðaþjónustu og þeim vaxtarmöguleikum og takmörkunum sem í henni búa. Nemendur munu fjalla um miðlun þeirra verkefna sem eru í gangi en jafnframt koma með tillögur að nýjum verkefnum í menntatengdri ferðaþjónustu og setja fram hugmyndir um miðlun þeirra. Umsjónarkennari námskeiðsins er Eggert Þór Bernharðsson.
Hagnýt menningarmiðlun er 45 eininga M.A.-nám sem vistað er innan sagnfræði- og fornleifafræðiskorar Hugvísindadeildar. Í náminu er leitað eftir þverfaglegu samstarfi með það að markmiði að tengja saman íslenska sögu og menningu og opna nemendum nýjar leiðir í miðlun rannsókna sinna og þekkingar. Áhersla er lögð á að nemendur ljúki miðlunarverkefnum, tileinki sér fjölþætta framsetningu efnis og öðlist reynslu sem geri þeim fært að vinna sjálfstætt á sviði miðlunar.
Almenningi er boðið að taka þátt í hluta námskeiðsins, þ.e. fyrirlestrum og vettvangsferðum dagana 24. og 25. febrúar. Fyrirlesarar eru á meðal fremstu sérfræðinga á þessu sviði, Eggert Þór Bernharðsson sagnfræðingur, Þorleifur Þór Jónsson hagfræðingur hjá Samtökum ferðaþjónustunnar og Guðrún Þóra Gunnarsdóttir frá Háskólanum á Hólum. Einnig eru fyrirlesarar á námskeiðinu meðal helstu sérfræðinga og frömuða Vestfirðinga á þessu sviði en þau eru Jón Sigurpálsson, Jón Páll Hreinsson, Þorleifur Eiríksson, Dorothee Lubecki, Þórir Örn Guðmundsson, Sigríður Ólöf Kristjánsdóttir, Jón Jónsson, Magnús Hrafnsson og Sigurður Atlason.
